सरकारले आज (शुक्रबार) देखि देशभर नयाँ भर्ना अभियान थाल्ने भएको छ।

बिज्ञापन

नयाँ भर्ना अभियान थाल्न स्थानीय तह र सबै विद्यालयलाई निर्देशन दिइसकिएको शिक्षा, विज्ञान तथा प्रविधि मन्त्रालयको शिक्षा तथा मानव स्रोत विकास केन्द्रले जनाएको छ।

विकास केन्द्रका प्रवक्ता डिल्ली लुइँटेलका अनुसार वैशाख २ देखि वैशाख ३१ गतेसम्म सामुदायिक तथा निजी विद्यालयहरूले नयाँ भर्ना लिनेछन्। यसका लागि गत चैत्र २१ गते नै सूचना जारी गरेर स्थानीय तह र विद्यालयलाई जानकारी गराएको उनले बताए।

आजै देखि कक्षा १ को नयाँ भर्ना शुरु हुन्छ,अरू कक्षाको धमाधम परीक्षा भइरहेको छ। परीक्षा सकिएपछि नतिजा प्रकाशित गर्छन्, त्यसलगत्तै भर्ना पनि विद्यालयले गर्छन्’‚ उनले भने।