लम्की : केन्द्रीय तथ्याङ्क विभागले गएको कात्तिक २५ गतेदेखि सुरु गरेको जनगणना सङ्कलन कार्य यहि मंसिर ९ गते सम्पन्न गरेको छ |विशेष कारणवश गणनामा सहभागी हुन छुटेको भए ११७८ नम्बरमा फोन गरेर तथ्याङ्क टिपाउन सकिने व्यवस्था पनि छ |
जनगणनाको लागि विभागले देशभर गणक र सुपरिवेक्षक परिचालन गरी जनगणना सुरु गरेको थियो । मंसिर मसान्तसम्ममा सबै जिल्लाबाट जनगणनासहितको विवरण भरिएको प्रश्नावली केन्द्रमा ल्याइने छ ।
जनगणनामा आफ्नो -आफ्नो क्षेत्रबाट काम गरेका सबैलाई विभागले कार्यअनुभव प्रमाण -पत्र दिएको छ जसमा लेखिएका २ वटा अंग्रेजी शब्दहरुको अक्षर नै गलत भएको भन्दै सामाजिक संजालमा टिकाटिप्पणी हुदैछ |
अंग्रेजीमा Experience लेख्नुपर्नेमा Exeprience लेखिएको र successfully लेख्नुपर्नेमा sucessfully लेखिएको भन्दै अहिले उक्तपत्रको तस्बिर सहित सामाजिक संजालमा कुराहरु चलिरहेका छन |
