दाङमा एउटै मोटरसाइकलमा तीन जना यात्रा गरीरहेको अवस्थामा मोटरसाइकल दुर्घटनामा परेको छ ।घोराहीको कटुकीदेखि नारायणपुर बजारतर्फ आउँदै गरेको रा १ प ८३८६ नम्बरको मोटरसाइकल घोराही उपमहागनरपालिका( ८ बनगाउँमा बेलुका पौने ९ बजे दुर्घटनामा परेको थियो। घटनामा एक जनाको मृत्यु भएको छ भने दुई जना घाइते छन् ।
छोराले चलाएको मोटरसाइकलमा पछाडि बसेकी आमाको मृत्यु भएको छ। भने दुर्घटनामा मृतकका १९ वर्षीय छोरा रोहन हमाल र १६ वर्षीया छोरी सविना हमाल घाइते भएका छन्।
दुर्घटनामा परी गम्भीर घाइते घोराही उपमहानगरपालिका(१७ गुलरियाकी ३४ वर्षीया प्रमिला हमालको उपचारका क्रममा राप्ती स्वास्थ्य विज्ञान प्रतिष्ठान घोराहीमा शनिबार राती सवा ९ बजेतिर मृत्यु भएको प्रहरीले जनाएको छ।
जिल्ला प्रहरी प्रमुख एसपी सुरेश काफ्लेका अनुसार दाजु बहिनीको घोराहीस्थित राप्ती स्वास्थ्य बिज्ञान प्रतिष्ठानमा उपचार भइरहेको छ।
मोटरसाइकल बाटोमा थुपारेको बालुवामा परी दुर्घटनामा परेको प्रहरीले जनाएको छ । चैते दसैं मानेर आफन्तको घरबाट नारायणपुर बजारतर्फ फर्किरहेका उनीहरू दुर्घटनामा परेका हुन्। घाइतेको अवस्था अचेत नै रहेको हुँदा थप अनुसन्धान हुन बाँकी रहेको प्रहरीले जानकारी दिएको छ।
