दसैंको दिन। धनगढी उपमहानगरपालिका वडा नम्बर ७ का २९ वर्षीय बिष्णु चौधरी र २७ वर्षीया अमृता चौधरीले रातिको समयमा भेट्ने योजना बनाए।
दुबै जना विवाहित हुन् तर विगत केही वर्षदेखि प्रेम सम्बन्धमा थिए। त्यसको जानकारी अमृताका श्रीमान रमेश चौधरीलाई पनि थियो।२९ गते राति श्रीमान रमेशसंगै सुतेकी अमृता रमेश सुतेको मौका छोपी ११ बजे प्रेमी बिष्णुलाई भेट्न गइन्,’ जिल्ला प्रहरी कार्यालय कैलालीका प्रहरी नायब उपरीक्षक प्रतीक बिष्टले भने, ‘घर पछाडिको परालको थुप्रोमा बिष्ण र अमृताको भेट भयो।
संगै सुतेकी श्रीमती बाहिरिएको पत्तो पाएका रमेशले बिष्ण र अमृतालाई आपत्तिजनक अवस्थामा फेला पारे।’डिएसपी बिष्टका अनुसार आपत्तिजनक अवस्थमा भेटेपछि रमेशले बिष्णुलाई कुटपिट गरे। बिष्टले अगाडि भने, ‘बिष्णुले प्रतिकार गरे, सोही क्रममा अमृतासंग मिलेर परालको थुप्रो नजिकै रहेको खेतमा घाटी थिचेर रमेशकाे हत्या गरेको खुलेको छ।’
