कम्पनी दर्ता नं. :- २६६९५६/०७८/०७९
डाइमण्ड इन्फोटेक एण्ड इन्स्टिच्युट प्रा. लि. द्वारा संचालित
सूचना विभाग दर्ता नं. २९२१/२०७८/७९

भूमि आयोग गठन गर्दै सरकार, यी बन्दै छन् अध्यक्ष ?

काठमाडौं – सरकारले भूमि आयोग गठन गर्ने भएको छ । केपी शर्मा ओली नेतृत्वको सरकारले गठन गरेको भूमि सम्बन्धी समस्या समाधान आयोग खारेज गरेको सरकारले गठन आदेशमार्फत् भूमि आयोग गठनको तयारी गरेको हो ।

बिज्ञापन

विराटनगरका केशव निरौलालाई आयोगकाे अध्यक्ष बनाउने तयारी रहेको बालुवाटार स्रोतले जनाएको छ । निरौला नेपाली कांग्रेसको सुभेच्छुक संस्था नेपाल शिक्षक संघका अध्यक्ष हुन् ।

उनले शेरबहादुर देउवा प्रधानमन्त्री भएपछि आफूलाई राजदूत वा अन्य पदभन्दा सुकुमबासी समस्या समाधानको जिम्मेवारी दिन आग्रह गरेका थिए ।

बिज्ञापन

पूर्वप्रधानमन्त्री केपी शर्मा ओली नेतृत्वको सरकारले भूमिहीन दलित, सुकुम्बासी तथा अव्यवस्थित बसोबासीलाई जग्गा बाँड्न भन्दै देवीप्रसाद ज्ञवालीको अध्यक्षतामा २ वैशाख २०७७ मा आयोग गठन गरेको थियो । तर नयाँ सरकारले १९ साउनमा देवि ज्ञवाली नेतृत्वको आयोग खारेज गर्ने निर्णय गरेको थियो ।

बिज्ञापन

यस्तै भूमिसम्बन्धी समस्या समाधान आयोग खारेजको विरोधमा आइतबार काठमाडौंको कोटेश्‍वरमा प्रदर्शन गरिएको छ ।

तपाईलाई यो पढेर कस्तो लाग्यो ?
+1
0
+1
0
+1
0
+1
0
+1
0
+1
0
+1
0