कैलाली : जिल्ला को मोहन्याल गाउँपालिका ले आफ्ना पालिका मा रहेका किसानहरुलाई किसान परिचयपत्र वितरण गर्ने कामको थालनी गरेको छ |
किसानको परिचयपत्र वितरणको लागी पहिलो चरणको काम भनेको किसानको लगत संकलन गरी नेपाल सरकार को अधिकारीक वेब साइटमा प्रविस्ट गर्नु हो | जसको लागी आवश्यक मात्रामा गणकहरु र उनीहरुलाई तालिम आवश्यकता पर्दछ |
यसरी गरिने कार्यमा मोहन्यालले आफ्ना कृषि र पशु शाखामा कार्यरत १२ जना प्राविधिकलाइ गणकमा नियुक्त गरी मंगसिर २९ गतेदेखि छनोट भएका गणकलाइ तथ्यांक संकलन तथा प्रविस्ट सम्बन्धिको ३ दिने तालिम आज सम्पन्न गरेको हो |
जिल्लाको सुखडमा रहेको बसिस्ट होटेलमा ३ दिन देखि संचालन भैरहेको उक्त तालिमको आज समापन कार्यक्रममा बोल्दै कार्यक्रमका प्रमुख अतिथी पालिकाका उपाध्यक्ष कमल बहादुर साउदले मोहन्यालका किसानको स्तरउन्नतिमा हामीले गर्नुपर्ने कुनैपनि कामको कमिहुन नदिने बताउनुभयो |
साथै उहाँले आगामी दिनहरूमा मोहन्यालमा रहेको रैथाने सुन्तला खेतीलाइ पालिकाले आधुनिकरण गर्दै बजारीकरणको लागि बिशेष भूमिका खेल्ने बताउनुभएको थियो |
आज भएको तालिम समापन कार्यक्रम का सभापति तथा आर्थिक विकास समिति संयोजक तथा वार्ड नं ७ का वार्ड अध्यक्ष नवराज कठायतले पनि कर्मचारीलाइ कुनै पनि किसिमको असहज बातावरण नगराई सम्पूर्ण मोहन्याल बासीले सोधिएको प्रश्नको सहि जवाफ दिदै सहयोग गर्नुपर्ने बताएका छन |
तालिम समापन कार्यक्रम का बिसिस्ट अतिथी तथा प्रमुख प्रशासकीय अधिकृत राज बहादुर सार्की ले किसानहरुको हतहितको लागि र आगामी बजेट कार्यक्रममा यो तथ्यांकले महत्वपूर्ण भूमिका खेल्ने भएको बताउदै कर्मचारीले लापरबाही नगरी कार्य सम्पादन गर्नुपर्ने सुझाव दिनुभएको छ |
प्रशिक्षकको रुपमा कृषि ज्ञान केन्द्र बाट २ जना कर्मचारीले सहजीकरण गरेको उक्त कार्यक्रमको सयोजक भूमिका मोहन्याल गा.पा. कृषि विकास शाखा का प्रमुख दिपक प्रसाद न्यौपानेले गर्नुभएको थियो |
