नेपालको संसद बैठक चलिरहँदा नेताहरु निदाउनु कुनै नौलो कुरा रहेन अब ।
यसअघि पनि नेपालका बृद्ध नेताहरु संसद बैठकमा नै निदाएर घरेका समाचारहरु बिर्सिन नपाउँदै कृषिमन्त्री महेन्द्रराय यादव निदाएर पुराना खबरहरुलई ताजगी गराइदिएका छन् ।
प्रतिनिधिसभाको बैठकमा किसानले रासायनिक मल नपाएको सम्बन्धमा छलफल चल्दै गर्दा कृषिमन्त्री निदाएका तस्विरहरु समेत अहिले सामाजिक संजालमा भाइरल बनिरहेका छन् ।
मुख्य विषय मलमा छलफल चलिरहँदा नै कृषी मन्त्री निदाउनु कहाँसम्मको लज्जाको विषय हो यो ।
प्रतिनिधिसभाकी सांसद कलिला खातुनले किसानले रासायनिक मल नपाएको विषयमा बोल्दै गर्दा कृषिमन्त्री महेन्द्रराय यादव घुर्न पुगेका हुन् ।
प्रमुख प्रतिपक्षी दल नेकपा एमालेले बजेटमाथिको छलफल रोकेर किसानले मल नपाउनुको विषयमा छलफल प्रस्ताव गरेपछि सुरु भएको छलफलमा नै कृषिमन्त्री यादव निदाएपछि उनी मल ल्याउने विषयमा कति चिन्तित रहेछन् भन्ने कुरा पनि उजागर हुन पुगेको छ ।
प्रमुख प्रतिपक्षी दल नेकपा एमालेका सांसदले मन्त्री यादवमाथि किसानले मल नपाउनुको कारण सोधिरहँदा मन्त्री यादव भने आफ्नै तालमा मस्तराम हुन पुगेका थिए ।
