लम्की : कैलाली को लम्किचुहा २ मोतिपुर मा रहेको हाइवे मिडिया प्रा. लि. ले यो बर्ष लम्की मा भदौ ३० गते देखि लम्की सांगितीक महोत्सव २०७९ संचालन गर्ने भएको छ ।
बौनियामा रहेको सहारा घर र हाईबे मिडिया प्रा.लि. द्धारा सञ्चालित लम्की एफ.एम. ९२.१ मेघाहर्जको स्थर उन्नतिको लागि महोत्सव गर्न लागिएको बताउदै महोत्सव मुल समिति संयोजक दिपक सुनारले पत्रकार सम्मेलन मार्फत जानकारी दिनुभयो ।
महोत्सवमा यस क्षेत्रका सांस्कृति भेषभूषा झल्कीने स्थानिय कलासंस्कृतिको पर्दशन गरिनुका साथै ब्यापारीक, ब्यावसायिक र कृर्षि स्टल समेत रहने आयोजकले जनाएको छ । महोत्सव अवधिभर स्थानिय तथा राष्ट्रिय कलाकारको समेत प्रस्तुति रहने आयोजक समितिको भनाइ छ ।
महोत्सवमा टिकट बिक्री बाट उठेको आम्दानी को ५% सहारा घरलाई दिइने र बचेको रकमले मात्र खर्च कटौती र लम्की एफ.एम.को विकासका साथै यस क्षेत्रको सामाजिक विकासमा सहयोग गर्ने लक्ष्य रहेको संयोजक सुनारले बताउनुभयो ।
१० दिन सम्म सञ्चालन गरीने महोत्सबमा २५ लाख बराबर खर्च रहने अनुमान गरिएको छ । महोत्सव मा मुख्य प्रयोजनका लागि ३ लाख र सह प्रयोजक को लागि १ लाख मा सहभागीहुन पाइने साथै होटल को लागि स्टल मा २० हजार रहेको आयोजकले बताएको हो।
